Mense wat in die Namakwalandse dorpie Concordia woon, sê hul ergste vrese het 'n daaglikse werklikheid geword namate mynaktiwiteite in die klein dorpie toeneem. Inwoners beskryf hoe die mynmaatskappy se groot vragmotors paaie in en om die dorp vernietig en 'n stofgevaar skep. Die mynmaatskappy, Copper 360, en sy filiaal Shirley Hayes-IPK (SHiP) het volgens inligting koper uit verskeie myne in die Noord-Kaapse dorp ontgin. Verhoogde mynbou die afgelope maande het na bewering konflik tussen inwoners en die maatskappy veroorsaak, wat die departement van minerale bronne en energie (DMRE) probeer bemiddel. Die Rietberg-, Homeep-, Koeëlkop- en Jubilee-myne is buite die dorp geleë en Hester Maria- en Wheal Julia-myne is binne die dorp geleë waar inwoners woon. Dit is byna 11 maande sedert 29 Concordia-inwoners in hegtenis geneem is tydens 'n betoging buite Copper 360 se Jubilee-myn, waaroor GroundUp berig het. Inwoners is bekommerd oor hoe die nabygeleë mynbou hul huise en gemeenskaplike grond wat deur die Concordia Communal Property Association besit word, sal raak.Inwoners sê groot vragmotors ry byna elke dag, maande lank, deur die dorp, wat stof skep en die paaie vernietig.

Journalist: Rodrick Titus
Email: roderick@radioriverside.co.za