In 'n vir dwelmverwante aktiwiteite in Pampierstad het die multi-dissiplinêre span van Operasie Vala Umgodi 'n reeks suksesvolle klopjagte uitgevoer. Die operasie op 31 Mei was gerig op huise wat geïdentifiseer is as potensiële brandpunte vir onwettige aktiwiteite. Noord-Kaapse polisiewoordvoerder, sers. Molefi Shemane, het die aanhouding van drie manlike verdagtes, tussen 30 en 52 jaar oud, op verskillende plekke in Pampierstad bevestig. Die verdagtes is in hegtenis geneem op aanklag van die besit van dwelms. Die operasie het ook gelei tot die beslaglegging van dwelms met 'n geraamde straatwaarde van R22 560. Daar is ook beslag gelê op 'n bedrag geld, wat vermoedelik die opbrengs van misdaad is. 'n Ondersoek is ook begin nadat 'n leë pistool, ammunisie en 'n magasyn in die besit van 'n 50-jarige Bangladesjse burger wat in Pampierstad woon, gevind is.Die verdagtes moet binnekort in die hof verskyn.

Journalist: Rodrick Titus
Email: roderick@radioriverside.co.za