Die Suid-Afrikaanse Weerdiens het verskeie waarskuwings uitgereik vir skadelike golwe en die hoë risiko van brande in minstens drie provinsies. Uiters hoë brandgevaartoestande word verwag oor die Beaufort-Wes Munisipaliteit in die Wes-Kaap, en westelike en sentrale dele van die Oos-Kaap, sowel as die sentrale dele van die Noord-Kaap. Die Noord-Kaap kan oggendmis langs die kus en aangrensende binneland verwag. Andersins word goeie en koel tot warm toestande verwag, maar dit sal warm wees op plekke in die noord-sentrale dele. Die wind langs die kus sal 'n ligte tot matige suidoos waai. 31 grade vir Upington en slegs 27 in Kimberley.

Journalist: Rodrick Titus
Email: roderick@radioriverside.co.za