Nuusberigte dat Kumba Iron Ore se kwartaallikse verkope weens logistieke knelpunte met 10% gekrimp het, beklemtoon die noodsaak van infrastruktuuropknappings en uitbreiding van verspreidingsnetwerke in die Noord-Kaap. Dit is volgens die Demokratiese Alliansie in die Noordkaap veral belangrik vir die netwerk van hawe en spoorweë wat vir die doeltreffende vervoer van goedere nodig is. Alhoewel die mynsektor ‘n beduidende rol in die provinsiale ekonomie speel, word die bydrae tot werkskepping beperk deur infrastruktuurbeperkings. Die Demokratiese Alliansie het verlede week hulle innoverende beleid geloods om die ekonomie te red en groter ekonomiese groei aan te spoor. Die party se in 'n verklaring om dit reg te kry moet monopolieë op hawe en spoorweë beëindig word en tariewe wat by hawens gehef word, normaliseer. Digitale oplossings moet aangewend word en die aanklimskedules sowel as vraghantering vir vragskepe moet haarfyn beplan word. Die party sê die verantwoordelikheid vir spoorweë moet aan bekwame provinsiale regerings afgewentel word.

Journalist: Rodrick Titus
Email: roderick@radioriverside.co.za