Rodrick Titus
Mon, 12 Oct 2026
Noord-Kaapse polisiehoof hou gholfdag vir SAPS Education Trust Fund
Die Noord-Kaapse provinsiale polisiekommissaris, luitenant-generaal Koliswa Otola, het Vrydag haar eerste gholfdag by die Upington-gholfbaan aangebied.
Die geleentheid was daarop gemik om fondse vir die SAPS Education Trust Fund in te samel.
Die MEC vir Vervoer, Veiligheid en Skakeling, Limakatso Koloi, lede van die provinsiale bestuur, sakeverteenwoordigers en borge het die geleentheid bygewoon.
Onder die hoofborge was Metropolitan, Old Mutual, SA HOPE en AVBOB.
Die fonds ondersteun die opvoedkundige behoeftes van kinders van polisiebeamptes wat in die uitvoering van hul pligte gesterf het.
Otola sê die geleentheid is ook ’n manier om verhoudings tussen SAPS en sy belanghebbendes te versterk.
