Maatskaplike Ontwikkeling sluit Clarkia-kantoor
Die Departement van Maatskaplike Ontwikkeling het die sluiting van sy hoofkantoor in Clarkia met onmiddellike effek aangekondig. Volgens die departement is die besluit geneem om ’n veilige en gesonde werksomgewing vir personeel en lede van die publiek te verseker. Die departement sê die sluiting hou verband met ASBES-regulasies en dat die veiligheid van personeel en gemeenskappe daarom eerste gestel moet word. Dienste sal egter steeds beskikbaar wees. Die departement gaan mobiele dienste aanbied, met direkte kontakbesonderhede en spesifieke dae waarop dienste by SASSA-kantore en Vlytige Bejaardesentrums gelewer sal word. Daar sal ook op bepaalde dae gemeenskapsbesoeke plaasvind om te verseker dat inwoners steeds toegang tot noodsaaklike maatskaplike dienste het. Die departement sê verdere besonderhede oor die mobiele dienste, kontakbesonderhede en diensdae sal aan gemeenskappe bekend gemaak word.
