Weer Waarskuwing
Die Suid-Afrikaanse Weerdiens waarsku dat El Niño in die komende seisoen vir warmer en droër toestande in die Noord-Kaap gaan sorg. Die weerdiens sê dit kan ernstige gevolge hê vir boere, waterbronne en landbou-aktiwiteite in die streek.
Volgens klimaatkundiges toon modelle dat die verskynsel tot in 2026 kan voortduur. Grondervog daal reeds vinnig, en lae damvlakke in gebiede soos Upington en Calvinia verhoog druk op besproeiingsboere en veeboere.
Provinsiale owerhede beveel aan dat boere droogtebestande gewasse plant en voervoorrade aanvul. Munisipaliteite hou intussen watervoorrade dop, met moontlike waterbeperkings as die reën in Desember en Januarie uitbly. Upington is vandag 35 grade celcius, Kimberley 31, Prieska 33, De Aar 32, Springbok 31 en Sutherland 26.
