'n Malawiese hof het beslis dat die selfverklaarde profeet Shepherd Bushiri na Suid-Afrika uitgelewer kan word.
‘n Malawiese hof het beslis dat die selfverklaarde profeet Shepherd Bushiri aan Suid-Afrika uitgelewer kan word. Bushiri en sy vrou, Mary, het in November 2020 na Malawi ontsnap, net dae nadat hulle op borgtog van R200 000 vrygelaat is. Suid-Afrika het daarna ‘n formele versoek ingedien om hul terugkeer te verseker, sodat hulle tereg kan staan op ‘n reeks aanklagte, insluitend verkragting, die oortreding van borgtogvoorwaardes en ander wetsoortredings.
Die gemeenskapsaktivis en speaker van die ZFM-streek, Stanley Peterson, het die hof se beslissing verwelkom, maar gemaan dat Bushiri waarskynlik ‘n appèl gaan aanteken om die uitlewering te vertraag.
Volgens Peterson het duisende kerkgangers onder Bushiri se beweerde geldmaakskema gely. Hy beskou die hof se besluit as ‘n belangrike mylpaal vir Malawi, aangesien dit ‘n duidelike standpunt teen godsdienstige uitbuiting inneem. Peterson meen verder dat hierdie uitspraak ‘n waarskuwing behoort te wees vir ander selfverklaarde profete en kerkleiers wat mense in Suid-Afrika, Afrika en wêreldwyd mislei.
Sound Bite - Stanley Peterson
