Eernstige Weertoestande Dreig Suid-Afrika
Suid-Afrikaanse inwoners word gewaarsku om voorbereid te wees op uiterste weerstoestande wat verskeie dele van die land oor die volgende paar dae sal tref. Volgens die Suid-Afrikaanse Weerdiens sal ernstige donderstorms Donderdag en Vrydag plaaslike oorstromings in laerliggende gebiede veroorsaak, asook skade aan infrastruktuur, informele nedersettings, voertuie en vee.
Hierdie toestande sal hoofsaaklik Noordwes, die Vrystaat, noordelike dele van Gauteng en suid-sentrale Limpopo beïnvloed.’n Geel Vlak 4 waarskuwing is ook uitgereik vir sterk skadelike winde wat die seevaart tussen Saldanhabaai en Kaap Agulhas in die aand sal ontwrig. Verder word uiters hoë brandgevaarstoestande verwag in die Namakwa-distrik (Noord-Kaap) en Weskus-distrik.Langs die kus tussen Port Alfred en Port Edward word swaar reën en moontlike oorstromings vanaf Donderdag tot Vrydag voorspel, wat tot ontwrigting in hierdie gebiede kan lei.
Die Weerdiens waarsku ook teen uiterste hitte oor die binneland van die Weskus-distrik, waar toestande baie ongemaklik kan wees.
Inwoners word aangeraai om voorsorgmaatreëls te tref en waaksaam te bly terwyl hierdie weerstoestande hul piek bereik. 37 grade wod vir Upington voorspel gevolg deur 29 in Kimberley en 36 in Springbok. In Prieska is dit 33 grade met 30 in De Aar en 31 in Sutherland.
