liga oor bewerings
Die ANCYL in die Noord-Kaap het kennis geneem van bewerings en 'n daaropvolgende arrestasie van een van sy PEC-lede ná die suksesvolle afsluiting van sy 10de PEC Induksie en Vergadering, in die Barkley West-gebied, in die Dikgatlong substreek, Frances Baard.
Na aanleiding van die berigte oor die insident, al is ons nie in besit van die besonderhede van die voorval nie, is ons diep ontsteld en verontwaardig oor sulke nuus. Die dade van geweld teen kinders, vroue, jeug, en ander benadeelde groepe in die samelewing gaan voort, ten spyte van verskeie pogings wat deur die organisasie en die regering ingestel is om die plaag van Geslagsgebaseerde Geweld te voorkom.
Die ANCYL in die Noord-Kaap neem spesiale uitsondering op hierdie saak, veral omdat die beweerde oortreder 'n provinsiale leier is en dit beter behoort te verstaan. Dit is nie eens genoeg om die probleme van GGG en die leiers van die ANCYL in een sin te noem nie. Dit is onaanvaarbaar. Die lede van die ANCYL en sy leiers behoort verdedigers van vroue in die samelewing te wees; hulle behoort hulleself met soveel integriteit te dra dat hulle nie gesien kan word as diegene wat probleme in die samelewing veroorsaak nie.
die party se hulle wil graag ons hartlike beste wense stuur aan die gesin van die slagoffer. Hierdie voorvalle laat blywende littekens op die gesin en geliefdes. Gevolglik sal die ANCYL met die betrokke owerhede in die Dikgatlong-gebied skakel om te verseker dat die slagoffer en die gesin die nodige psigososiale ondersteuning in hierdie moeilike tye ontvang.
