Polisie soek gewapende verdagtes ná rooftog in Kakamas

Polisie soek gewapende verdagtes ná rooftog in Kakamas

Die Suid-Afrikaanse Polisie in Kakamas is op soek na gewapende verdagtes ná ’n rooftog by ’n drankwinkel vroeg gisteroggend.

Volgens polisiewoordvoerder, sersant Ompile Masegela, het die verdagtes die drankwinkel betree, die bestuurder met vuurwapens gedreig en ’n onbekende bedrag geld geëis. Hulle het daarna met die gesteelde kontant en die bestuurder se voertuig gevlug. Die voertuig is later verlate langs die pad gevind.

Masegela het die publiek gewaarsku om nie die verdagtes te konfronteer indien hulle gesien word nie, aangesien hulle gewapen is. Enige inligting moet eerder met die polisie gedeel word. Die soektog duur voort.