Verkeersbeamptes is regoor die Dawid Kruiper munisipale gebied ontplooi om wetstoepassing te verseker namate die feesseisoen nader kom. Die munisipaliteit het aangekondig dat daar verskeie padblokkades in die gebied sal wees en dat beamptes ook ontplooi sal word by kruisings waar verkeersligte probleme veroorsaak, in 'n poging om 'n vloeiende verkeersvloei te handhaaf. Die verkeerslig by Anton Lubowski-laan naby die brandweerstasie is een so 'n punt waar verkeer gereguleer sal word. Motoriste word versoek om geduldig te wees tydens hierdie optredes. Inwoners word ook aangemoedig om enige foutiewe verkeersligte en plekke waar padtekens verwyder is, dadelik aan te meld.

Journalist: Rodrick Titus
Email: roderick@radioriverside.co.za