Die regerende ANC in die Noordkaap loods hulle Siyanqoba veldtog more by die Mxolisi Dicky Jacobs stadion in Upington. Die party se jeugliga provinsiale sekretaris Victor Dolopi sê die premier van die Noordkaap en leier van die ANC dokter Zamani Saul sal die hoofrede tydens die geleentheid lewer wat deur 'n reeks senior ANC lede van nasionaal en provinsiaal bygewoon gaan word. Dolopi sê die jeugliga bly daartoe verbind om die stem van die jeug in die provinsie te wees en se hulle is gerat vir die nasionale en provinsiale verkiesing wat oor 13 dae gaan plaasvind. Hy sê die ANC is volvertroue om die komende verkiesing te wen met duisende ondersteuners wat van regoor die Noordkaap in Upington verwag word.

Journalist: Rodrick Titus
Email: roderick@radioriverside.co.za