Die ANC het
op 24 April die tussenverkiesing gewen wat vir Wyk 3 in De Aar, in die
Emthanjeni Plaaslike Munisipaliteit gehou is, wat deur die EFF betwis is.
ANC-kandidaat Brydo Mzingisi Mvenya het 79,2% persent van die stemme gewen
vergeleke met Sandile Walter Makhandula, EFF-kandidaat, wat 378 stemme behaal
het. Altesaam 1 851 kiesers het tydens die tussenverkiesing hul stemme
uitgebring waar daar 26 bedorwe stembriewe was. Die Pixley Ka Seme
ANC-streeksvoorsitter, Khathazile Tolong, het kiesers en vrywilligers bedank
vir hul harde werk. Hy het ook sy steun aan die party president Cyril Ramaphosa
uitgespreek. Shadrack Tlhaole, provinsiale voorsitter van die EFF, het gesê
hulle is tevrede met hul vordering in die Emthanjeni-streek.
Journalist: Rodrick Titus
Email: roderick@radioriverside.co.za