Terwyl die Suid Afrikaanse Polisie Diens se Luitenant Kolonel Henry Faro hoof van ekonomiese misdaad by die polisie in Upington se speurtak waarsku dat inwoners versigtig moet wees vir swendelaars wat hulle niksvermoedend kan inloop, het die Privaat speurder Chad Thomas inwoners gewaarsku vir rooi vlae in sosiale media-bedrog, na aanleiding van die tragiese dood van twee broers uit die Oos-Kaap wat gereageer het op ‘n advertensie op die Facebook-markplek en daarna beroof en vermoor is. Thomas beklemtoon die belangrikheid daarvan om nooit geld vooraf te betaal nie en om druktaktieke vir vinnige verkope te vermy, en stel voor om in openbare plekke met CCTV-kameras te vergader vir veiligheid tydens transaksies. Hy adviseer teen die ontmoeting by die verkoper se gekose plek en stel alternatiewe soos polisiestasies of goedverligte parkeerterreine voor om die risiko’s wat met sulke transaksies gepaard gaan, te verminder. Faro waarsku dat swendelary aan die toeneem is en maan mense om uiters versigtig te wees. Hy sê niemand kan iemand se geld vermeerder of vir iemand geluk bring nie. Hy sê ook dat inwoners persoonlike identifikasie nommers van bank en krediet kaarte asook selfone nie met ander mense moet deel nie.

Journalist: Rodrick Titus
Email: roderick@radioriverside.co.za