Die Suid afrikaanse Munisipale Werkersunie in die Noord-Kaap het gevra dat !Kheis Plaaslike Munisipaliteit by Grobelaarshoop onder administrasie geplaas word aangesien salarisse sedert Desember verlede jaar nie betaal is nie. Lawrence Fennie, provinsiale sekretaris van Samwu sê werknemers is in 'n omsendbrief ingelig dat salarisse weer vir Februarie uitgestel sal word. Hy sê die munisipaliteit se versuim om sy kontraktuele verpligtinge na te kom het werknemers aan ondraaglike ekonomiese toestande en ontberings onderwerp omdat werkers nabewering hul salarisse in Desember 2023 nie ontvang het nie. Fennie sê die wanbetaling van salarisse het baie werkers in 'n bedenklike situasie geplaas, wat teistering in die gesig gestaar word deur krediteure wat nakoming van kredietooreenkomste eis. Fennie het bygevoeg dat daar steeds van werkers verwag word om voort te gaan om dienste aan die inwoners van !Kheis te verskaf. Hy sê die haglike situasie in !Kheis beklemtoon die gebrek aan doeltreffende interregeringsverhoudinge in die provinsie. Provinsiale regering, wat veronderstel is om toesig te hou oor munisipale funksionering, het oënskynlik stil gestaan terwyl werkers ekonomiese swaarkry, armoede, honger en hongersnood verduur. Die funksionaliteit en diensleweringskapasiteit van !Kheis word nou in die gedrang gebring aangesien honger werkers sukkel om noodsaaklike dienste te lewer.Fennie was bekommerd oor die hoë omsetkoers van munisipale bestuurders by die munisipaliteit, waar geen ooreenstemmende verbeterings in dienslewering sigbaar was nie. Samwu doen volgens Fennie 'n dringende beroep op die onmiddellike betaling van werkers se salarisse by !Kheis Plaaslike Munisipaliteit en ingryping deur provinsiale regering om die munisipaliteit onder administrasie te plaas. 

Journalist: Rodrick Titus
Email: roderick@radioriverside.co.za