Die polisie in die Noord-Kaap sê 751 verdagtes is in hegtenis geneem tydens ‘n oorgrens-operasie waarby wetstoepassers van vier provinsies betrokke was. Die polisiewoordvoerder, Cherelle Ehlers sê die operasie het bestaan uit padblokkades, patrollies en beheerpunte waar inspeksies plaasgevind het. Sy sê beslag is onder meer gelê op dwelms ter waarde van meer as 900-duisend rand en ongelisensieerde vuurwapens. Verkeersboetes ter waarde van meer as 475-duisend rand is uitgereik.

Journalist: Rodrick Titus
Email: roderick@radioriverside.co.za