Die Kakamas Vine  Academy en Model Farm het op 13 Oktober sy heel eerste opedag gehou, waar 150  leerders en 20 onderwysers van hoërskole uit Kakamas, Keimoes, Upington en  Onseepkans, die dag bygewoon het.  Industrie-vennote en borge was ook deel van die dag en het hulle stalletjies opgeslaan en produkte uitgestal. Die akademie is ontwikkel uit 'n vennootskap tussen die Noord-Kaapse Provinsiale Regering en Raisins SA met die doel om spesifieke akademiese en vaardigheidsuitdagings binne die wingerdbedryf in Suid-Afrika aan te spreek. Die akademie en Model plaas fokus op leerders en omliggende gemeenskappe om hulle direk te bevoordeel as 'n katalisator vir volhoubare groei en ekonomiese ontwikkeling binne die landbousektor. Die modelplaas bied aan studente die geleentheid om akademiese en praktiese vaardighede in die wingerdbedryf op te doen ter voorbereiding van werksgeleenthede in die bedryf. Die akademiese waardeketting bied 'n geleentheid vir tersiêre kwalifikasies aan studente wat nie sekondêre onderwyskwalifikasies het nie.

Journalist: Rene Julies
Email: rckjulies@gmail.com