Rodrick Titus
Wed, 30 Jul 2025
Burgemeester verseker personeel van veiligheid ná skade aan munisipale gebou
Die Uitvoerende Burgemeester van die Dawid Kruiper-munisipaliteit, David Kazi, het die personeel verseker van hul veiligheid nadat ’n lid van die publiek die glas panele by die ingang van die munisipale gebou ingeslaan het.
Die voorval het vinnig op sosiale media versprei en het aandag gevestig op die veiligheid van munisipale werkers en die publiek wat die gebou besoek vir dienste.
Volgens die burgemeester sal die sekuriteit by die gebou versterk word om toekomstige voorvalle te voorkom.
Die verdagte is in hegtenis geneem en is tans in polisieaanhouding.
