BOSA Waarsku Teen Snye Aan Skoolvoedingskemas Te Midde Van Begrotingstekorte
Bou Een Suid-Afrika (BOSA) het die regering gewaarsku om nie “’n enkele sent” van die Nasionale Skoolvoedingsprogram (NSVP) af te sny nie, en wys op ’n dreigende R358 miljoen tekort in die Noord-Kaapse onderwysbegroting as een van verskeie ernstige bedreigings vir die program.
Die waarnemende woordvoerder van BOSA, Roger Solomons, het ’n dringende beroep op minister van finansies Enoch Godongwana gedoen om befondsing vir skoolvoedingskemas te beskerm en selfs te verhoog in die komende begrotingstoespraak op 21 Mei.
Berigte dui darop dat in verskeie provinsies is daar reeds ernstige ontwrigting. In KwaZulu-Natal is talle diensverskaffers na bewering nog nie vir Maart en April 2025 betaal nie, ná verlede jaar se R2 miljard-tenderskandaal waarin vrot kos aan skole afgelewer is. Meer as 5 400 skole is daardeur geraak.
BOSA sê ’n bedreiging van ’n R358 miljoen tekort in die onderwysbegroting stel die voortbestaan van die skoolvoedingsprogram in gevaar, ten spyte van pogings om verkryging te desentraliseer om aflewering te verbeter.
BOSA het aangedui dat hulle enige begroting sal teenstaan wat, in die naam van bezuiniging of politieke beskerming, die gesondheid en waardigheid van Suid-Afrika se armste kinders in gedrang bring.
